如果馬航令人諗起靈異事件，我相信當年西貢失蹤警員丁利華仲靈異......
以下為當日丁利華失蹤前嘅報警錄音，最初係有錄音聲帶，後來刪除左，但有文字版。
接線生: 999
丁 : 我係行山架, 係西貢 586…
接線生: 咩事呀
丁 : 我行山, 迷途呀
接線生: 你迷途呀? 咁你係邊呀
丁 : 我而家位置 48 (停頓一會) 7020
接線生: 487020 呀? 係咪標柜柱?
丁 : 係, 係果個咩柱呀
接線生: 487020 呀嗎? 你慢慢講, 係乜野地方?
丁 : 等等….
(相隔 20秒)
接線生: 喂,
丁 : 等等
(相隔 30秒)
接線生: 你係咪行麥理浩徑呀
丁 : 係.西貢個頭黎架
接線生: 你係咪行麥理浩徑呀
丁 : 係., 冇錯
接線生: 你行緊邊一段
丁: 西貢個邊, 西貢東
接線生: 西貢東, 西貢o既東面, 由邊度出發
丁 : 由西貢北潭涌, 行左兩個幾鐘頭, 但係蕩失路, 而家企左係過左 58.., 5870 o既主要o既路
接線生: 5870 幾? 頭先你又話係 487020
丁 : 仲差少少咋
接線生: 有冇見到 M幾多, M 幾多, 你見唔見到呀
丁 : 仲差少少路程
(相隔 30秒)
接線生: 你見唔見到 M001呀, M011, M030呀
丁: 你等陣先
(相隔 20秒, 很多雜音)
丁 : 睇唔到呀!
接線生: 你淨係見到個 number, 咁個 number (487020) 刻係邊度呀?
丁 : 唔係d 柱, 係密碼,
接線生: 乜野密碼
丁: 可能我讀錯密碼啦
(接收不良, 很多雜音)
接線生: 咁你仲係咪行麥理浩徑, 先生,你唔好行去個邊呀, 收得好差, 你唔好再行, 喂,喂, 你停係到, 我要問你問題
丁 : 你快d啦, 個 number 係……….
接線生: 你停係到, 你有冇扭親腳
丁 : 頂唔順呀
接線生: 你停係到, 你有冇扭親腳
接線生: 你幾多人係到
丁 : 我一個人
接線生: 要唔要救護車
丁 : 要
接線生: 你係唔係要救護車
(接線生接駁至救護車), 然後接線生與救護員通話及救護員問位置, 隔20秒)
丁 : 救命呀 (相隔5秒) 救命呀
救護員: 你要話比我聽你係邊
丁 : 最慘我唔記得條路
接線生: 先生呀, 喂 喂 喂
丁 : 救命呀 (相隔3秒) 救命呀 (已經再沒有丁的對話)
(接線生解釋收到電話後的情況給救護員知道, 救護員覆一次丁的手提電話號碼便收線)
接線生: 先生呀, 喂 喂 喂
(斷線)
差唔多十年，我仍然好記得零五年九月十一日，隸屬中區警區反黑組的四十七歲探員丁利華，趁休班獨自到擔柴山行山，其後失去蹤影。當局當年展開香港搜救史上最大規模的搜救行動，最後竟然無功而回。
有行山組織同退休警員孟波一直都有從錄音中希望搵出線索，亦係山到搵左幾乎幾年都無功而回。自此一直都成為一個「謎」。
西貢有傳好多「結界」，除左丁利華事件，仲有好多失蹤人士消失係西貢，出動好多人去搵都搵唔到，最後大部全都係發現屍體係最初或已探索嘅地方，但當時點解無人發現? 又將1成件事令人聯想到靈異。
當年我搵哂好資料去研究丁利華事件，期間發現好多失蹤事件同靈異事件，有冇人有興趣想知
Search